INTERNSKAP VIR JOERNALIS

Wou jy nog altyd ’n verslaggewer wees? Doen nou aansoek vir Media24 se internskapposisie vir knap digitale joernaliste by Kuier, vanaf 1 Februarie 2026- 31 Januarie 2027.

Doen aansoek as jy:

• ’n Tersiêre kwalifikasie in joernalistiek, Afrikaans of ander relevante kwalifikasie het.
• Nuuskierig is oor die die land en sy mense, en in voeling is met wat plaaslik en internasionaal aangaan.
• Gretig is om te leer en groei.
• Dol is oor stories en storievertellery, ongeag die formaat of platform.
• Kan goed skryf, maar stel ook in digitale media belang.
• Met gemak ’n video met ’n slimfoon kan skiet.

Wat ons verlang:

• Uitstekende storievertelvaardighede.
• Uitstekende taalvaardighede in Afrikaans.
• Die vermoë om vinnig, akkuraat en onder druk te werk.
• Die vermoë om ’n vars invalshoek vir ’n storie te kry.
• Die vermoë om in ’n span te werk en ’n redakteur se opdragte te volg.
• Dryfkrag, energie en basiese awesomeness het.

Wat jy sal doen:

• Inskrywings vir Kuier se digitale platforms skep.
• Doen verslag oor nuus en skryf artikels vir die tydskrif.
• Vir interessante stories op die web rondsnuffel wat ons lesers graag sal wil lees.
• Bou ’n netwerk van kontakte en hou dit in stand.

Media24 is Suid-Afrika se toonaangewende mediamaatskappy met belange in digitale media en dienste, koerante, tydskrifte, e-handel, uitgewery, drukkerye en verspreiding. Dit is deel van Naspers, ’n multinasionale groep met media- en e-handelplatforms.

Ingevolge Media24 se diensbillikheidsbeleid sal aan geskikte kandidate uit die aangewese groepe voorkeur gegee word.